Copy
inJapan Nuusflits: hou kontak met die Van der Watts in Japan

inJapan Nuusflits: Januarie 2016

Ondersteun: maak 'n verskil

Missie Japan is 'n vrywillige geloofsaksie wat afhanklik bly van ondersteuning deur individue, groepe en gemeentes regoor die wêreld.
MAAK 'N BYDRAE

Missie Japan media

Volg op Facebook
Volg op Webtuiste

Tree vir tree ...

SO KOM ONS TUIS IN KOBE 

Beste <<First Name>>,

Die jaar is op spoed, en daarom net kort brokkies nuus uit ‘n sneeu-bedekte Kobe!
 
Ons is ingeskud en vind ons voete in ‘n nuwe leefruimte as deel van KRTS (Kobe Reformed Theological Seminary). Tussen Kersfees en nuwejaar was daar tyd vir asem skep en kuier saam met ons mede-sendelinge, die Oliviers uit Kochi stad. Intussen is alle werk en skool aktiwiteite op volle vaart. Lees hier hoe Carina iets van haar ervaringe as tuisskolende ma beskryf.  

Vir miljoene Japannese is 2016 die “Jaar van die Aap”. Vir baie hou dit blykbaar besondere geluk in, en party jong mans in Kobe (6000 om presies te wees) het vir mekaar probeer hakskene wys om hulle geluk los te nael! Kliek hier vir 'n 1-minuut video oor die 400-jaar oud nuwejaars-tradisie.

Maar hoe het die meerderheid Japannese hulle nuwejaar gevier, en wat gebeur oor Kersfeestyd in Japan? Vir meer hiervoor, luister gerus na ‘n kort onderhoud wat gevoer is op RSG se Sondagjoernaal.

Mag 2016 vir jou 'n geseënde en betekenisvolle jaar wees!

Vrede en vreugde, 


Stéphan
(ook namens Carina, Annlie, Cornelius, Lodewyk en Stephan jnr.)
 
Die afgelope 6 weke was gevul met 'n wye verskeidenheid van geleenthede as deel van ons tuiskoms in Kobe. Hierbo is grepies uit RCJ Kobe Noord gemeente se kinder kersvers partytjie, waarvan ons deel was.

Verder was daar - buiten die daaglikse werk by die kweekskool - allerhande kuiers, tuisskool uitstappies, sing van kersliedere saam met kweekskool studente (by 'n treinstasie) ens. Die mengelmoes van foto's hieronder vertel iets daarvan.
OP SOEK NA SENDELING ONDERWYSERS

Verlede week het Ds. Johann Symington van
Tokyo Union Church my gekontak met nuus oor 'n geleentheid vir iemand om te dien in Japan.
The United Church of Christ in Japan (Kyodan) related Christian schools are in great need of “missionary-teachers” for the English conversation classes. They need committed Christian teachers, with a hope to influence students through them with Christ’s value and love, instead of hiring some professional native speakers via human resource agents.

Vir meer inligting, kontak gerus vir ds. Symington by 
Ds. Yoshitsugu Onishi (‘n kollega uit die RCJ) en sy gesin het vroeg in Januarie in ‘n snikhete Bloemfontein aangekom. Hy is ingeskryf vir nagraadse studies by die Vrystaatste Universiteit se fakulteit van Teologie. Dit is ‘n reuse aanpassing vir hulle as gesin (vrou Miho en dogters Kotone, Hotori en Uta). Gideon Van der Watt (dr.) en Salomé Pretorius van Missie Japan kantoor in doen baie moeite om hulle te help aanpas. Bid asb. vir hulle, en as jy in Bloem omgewing is en op ‘n manier wil ondersteun, kontak gerus vir Salomé by missie@ngkvs.co.za of 051-4066729

Ons nooi jou graag uit om meer aktief en doelgerig
saam te bid vir ons lewe en werk via Missie Japan.
Hier volg ons gebedsversoeke vir Februarie 2016:
 
  • Ons visie is om vanjaar meer van Psalm 108:3 uit te leef, “Barmhartig en genadig is die Here, lankmoedig en vol liefde”. Bid asb. om leiding en krag van die Heilige Gees hiervoor.
  • Loof die Here vir ons nuwe tuiste en omgewing in Kobe, by die Kweekskool. Dis ’n ruim en mooi lewensruimte.
  • Bid asb. saam vir ons aanpassing hier. Vir geleenthede om nuwe verhoudinge te bou en verdiep, d.m.v. gasvryheid. Vir diep vrede en vreugde te midde van gereelde ervarings van eensaamheid.
  • Bid asb. vir Carina se groot verantwoordelikhede i.t.v. tuisskool van ons vier kinders. Vir krag, insig en liefdevolle geduld. Vir nuwe, gesonde vriendskappe vir ons kinders.
  • Bid asb. vir Stéphan wat fokus op die skep van ’n nuwe kurrikulum in pastorale sorg en berading (in Japannees). Ook vir ander verantwoordelikhede i.t.v. die begeleiding en geestelike versorging van studente, bidure, kapeldienste ens.
  • Bid asb. vir ons inskakeling by ’n nuwe gemeente (RCJ Kobe-Noord) en ons toekomstige betrokkenheid hier, asook steeds as deel van die ring van Shikoku en ander RCJ gemeentes se bedieninge.
 Laai gerus ons daaglikse gebedskalender af en bid deurlopende saam.
Our mailing address is:
Mission Japan
Kita Ku
Shobu Ga Oka 3-1-3
Kobe City, Hyogo Prefecture 651-1306
Japan

Add us to your address book


unsubscribe from this list    update subscription preferences